Um félagið
Andblær hefur í rúman aldarfjórðung staðið með þeim sem lifa með astma, langvinna lungnateppu, lungnatrefjun og aðra lungnasjúkdóma.
Andblær var stofnað árið 1998 af fólki með langvinna lungnasjúkdóma og aðstandendum þess. Tilgangurinn er sá sami nú og þá: að enginn þurfi að takast á við lungnasjúkdóm einn.
Félagið veitir ráðgjöf og jafningjastuðning, heldur úti hópþjálfun og fræðslu og gætir hagsmuna lungnasjúklinga gagnvart stjórnvöldum og heilbrigðiskerfinu.
Starfið er borið uppi af félagsgjöldum, frjálsum framlögum og vinnu sjálfboðaliða.
Stjórnin er kjörin á aðalfundi til tveggja ára í senn og vinnur í sjálfboðavinnu.
Skrifstofan er opin virka daga kl. 10–14. Utan þess tíma er best að senda okkur tölvupóst.